大家好!呢位笑到咔咔聲既小朋友，係我既寶貝囡"熙熙"! 她宜家差唔多11個月大，而呢條短片係佢5個半月時候拍!
而我係一位在職媽媽，所以大多時間都係工人姐姐陪伴她、照顧她，記得岩岩放完產假要開始重新返工既時候真係好唔習慣，一來要重新跟進工作，二來個心又記掛屋企既小寶貝，所以係公司我都會開住Cam，睇下佢做緊咩，一放工就會急急腳返屋企陪佢玩。
因為我真係完全體會到一位媽媽見住自己既小朋友慢慢長大，時間真係一轉眼就過，回想起由佢岩岩出世成個粉餅，到宜家佢識坐識爬識吹BB，都只係短短11個月既事，我成日都心想"點解佢可以大得咁快，可唔可以大得慢D呀"!
仲記得拍呢條短片既時候佢岩岩開始學坐，但又唔係坐得好穩陣，俾佢自己坐成日左搖右擺，好似D熊貓仔一樣碌來碌去，真係好好笑!
所以果時我都會放佢係我大脾上面坐同佢玩扮訓教，佢一見我咁樣做就會好開心，咔咔聲咁笑出黎，果一刻真係會覺得自己好幸福，好想永遠停留係果個時間。
上一頁
