「笑多D，健康D」

我家Monster琳琳成日掛在嘴邊架，呢句廣告台詞真係講得好好，超級正能量！

 

父母最常聽到的問題大部分都是圍繞著希望小朋友點點點，其實計我話點都好，「最緊要開心！」試問為人父母有誰會不希望自己的小朋友時刻充滿燦爛笑容。其實小朋友的「笑點」非常低，小小事、小小有趣的説話或吃到喜歡的食物，都足以令他們哈哈大笑。「笑得好」其實可以很簡單！

 

我家兩隻Monster琳霖性格比較樂天，超鐘意玩同笑。點解佢地成日笑？因為開心囉！柏霖有得刷牙仔都可以好開心架!

 

等我都同大家分享一下我們是怎樣令Monster琳霖「笑得好」的幾個招數啦！

1. 正能量好重要，齊齊跳part開心舞啦

 

正能量！正能量！正能量！

 

歡樂的家最常聽到的就是歡樂的笑聲。做爸爸媽媽記住笑多D呀！記得有次因為公公突然身體出現問題需緊急入院，我驚到喊起來，個傻豬家姐就跟我一齊喊，所以父母的心情真的會直接影響到小朋友。

放工回家就把負能量先放低一下，帶著開心的笑容步入屋企的大門，迎接小朋友歡迎父母回家的擁抱，這刻他們的笑容係最sweet架！家人之間多去分享一些開心的話題，花多一點時間和孩子溝通，最後你會發現就連小朋友也會懂得多與父母分享發生在他們身上開心的事情。另外，我們最喜歡一家人做的，就是跳開心舞。聽著歌一齊跳出自己的舞步（聽電視劇主題曲最興奮）一邊跳一邊笑，這項親子運動超warm。正能量十分重要，你笑，小朋友

跟你一齊笑！父母也是大細路，何妨不將嚴肅無表情的一面先收起，笑多D健康D麻！



 

2. 氹小朋友笑需要耐性及時間練習

 

媽媽講笑無爸爸咁叻，但媽媽會比爸爸更用心用力去令小朋友笑，尤其是當Monster琳霖心情唔好大喊著的時候，媽媽更會花時間去氹，所以幾時都好，對小朋友一定要有耐性。記住，不是每個父母天生就識氹得到小朋友笑，但只要不斷摸索不斷試，你和我都可以很快地掌握到，自創出一本屬於自己的天書。

對付Monster琳霖，最有效的招式就是玩倒數bu bu 吱！很簡單，由小朋友的手掌開始，用兩隻手指扮行路然後倒數一至十行到去頸，從one, two, three, four, five.....直至叫到ten時手指剛好行到去頸就⋯Bu Bu吱。Monster琳霖每次玩都笑得好開心，呢個遊戲想當年更令家姐極速學會Counting Number，一舉兩得！

 

3. 好好善用Family Day，製造機會給小朋友發揮創意技能

 

星期一至五要返工返學，星期六上興趣班，難得星期日當然要好好安排家人活動啦！帶小朋友去公園、去睇戲、去游水、去行街⋯相信個個爸爸媽媽都很用心去搜索去計劃每個周末的行程。小朋友有得玩有家人陪就開心，他們笑得開心，做父母返工點辛苦，帶小朋友出街點辛苦也是值得的。正所謂Work Hard Play Hard，工作時工作，遊戲時遊戲，陪小朋友玩，父母要專心要投入，暫時放低部電話或notebook先啦！

 

如太累了，周末想留在家中休息，我們也會安排做些小勞作，一齊做大廚煮大餐，焗曲奇餅，呢類型的親子活動都可以令小朋友好開心架，不一定要走到戶外。他們努力過後，見到自己的製成品，那份「滿足感」，就不得不從心底裏笑出來。

 

4. 鼓勵小朋友多D去笑，學習面對失敗

 

先要教導小朋友勇敢面對錯折。以前Monster琳琳好多時玩遊戲輸了就會發脾氣，給她小小任務做一兩次都唔得又發。跟她說些例如「輸左就輸左」、「可以再玩過」的說話反而會令她更生氣。後來我才發現原來最重要的是你要教導她點去面對失敗才對。首先，我要她明白輸了，並不代表以後都做不到，我要她明白「做一次唔得，做十次，做十次唔得，做夠二十次⋯最後一定得」這個道理。自此，她就開始記住這句說話，面對失敗後堅持不停練習，到現在有很多東西，她還比媽媽做得更好，這刻的成功感從她沾沾自喜的笑容就看到，為人父母也會為她感到驕傲。

 

多些鼓勵小朋友去笑，實際係教導小朋友處理自己的情緒。懂得樂觀地面對失敗，現階段還需繼續學習，但起碼快6歲的琳琳也慢慢體會到這個道理。唔開心1分鐘，過後就懂鼓勵自己再去試，雨後有彩虹，喊過痛過後就好快企起身，望住媽媽笑笑自己，然後再玩過。

5. 不要用大人角度去看小朋友的世界

 

揀玩具，揀遊戲，不要只站在父母角度去看，給予孩子機會去表達意見。有些玩具，大人覺得無聊，但其實小朋友會覺得好好玩。記得有次聚會，家長們只租用了一個多用途房間，吹了二十多個氣球，一班三十多人的小朋友在沒有其他玩具設施下都可以玩得好開心，笑得好大聲。小朋友的世界就是這麼簡單，要令他們笑亦十分簡單，不要再用大人角度去看小朋友的東西，給空間他們自己選擇，投入D去好「陪玩」呢份工啦！我們的職責是比他們去玩，然後陪他們去玩。

 小朋友本身就喜愛「笑」，每一位都好單純、好真、好可愛。「笑」是感情的表達，所以如果有一日小朋友唔笑，父母一定會好擔心，一定會第一時間問：「你點解唔笑呀？係唔係唔開心呀？定係唔舒服？」聽到孩子的笑聲，父母的心一定被溶化了, 更辛苦工作也值得。只要花多一點時間去陪你的小朋友，花多一點心機，就可以令他們「笑得好」，你同我都做到！

Monster 琳霖 Facebook Page : Marquis Oakes 顏柏霖