開心BB必笑時刻

相信初生到12個月的蜜月期係人生過得最快，我認同小朋友既快樂質素較為重要。晞晞細細個係朋友同我哋眼中既開心果，少認人少認地方，我當時都係覺得佢未識啫，過咗1歲之後發現佢真係好喜歡同其他人笑、玩同抱，所以我地啲親朋戚友第一次同佢接觸我都唔會擔心！BB既正能量往往互相感染大人係一件好快樂既事

第1個月

最基本的滿足

BB第一個笑容係爸爸媽媽最珍貴既回憶，晞晞第一個笑容係岀世第五日，當時食飽奶奶訓緊靚教既一個無意識笑容已經令媽咪開心到飛起。

第2個月

互動

開始互動了，會有tummy time 第一個抬頭令爸爸媽媽開心到死，不停既鼓勵，原來佢係會接收到嫁！仲對媽咪既笑聲有反應:)

 

第3個月

製造氣氛

帶晞晞去影樓第一次影相，係一件幾開心同隆重既事。

攝影哥哥好專業哄佢，再加埋屋企人既配合，晞晞都好合作交到戲！三個月既bb已經感受到開心既氣氛，知道人哋哄緊佢同佢玩。每晚爸爸媽媽都會同佢玩一陣，製造愉快親子時候，掌握下玩咩佢會笑得最大反應。

第4個月

開始接觸社交活動

嬰兒期既BB喜歡痴人，得到人既注意，而且極度需要安全感，爸爸媽媽俾到有質素既陪伴就是BB們快樂的根源。

漸漸長大，體驗唔同既第一次，晞晞第一次去BB聚會認識其他朋友仔，同其他bb互動，例如佢哋會食對方隻手仔，你真係估都估唔到?，格離喊佢地又會喊，真係好搞笑嫁！

第5個月

怪癖笑聲音

佢哋開始已經識少少扮代表，留意你唱既歌，講重覆既說話，仲有啲怪癖，我哋每次打黑痴同咳，佢居然笑不停。

第6個月

找出BB喜歡做既事

學坐期、學加固，感覺再唔係手抱住托頸既小bb啦，仲開始享受洗白白添，原來佢係好鍾意沖涼，我哋就去買沖涼玩具同佢玩，加強興趣:)

第七個月

學習期

過咗半歲，乜都黎得特別快，學自己食嘢、學爬、扶企、整衰樣引你笑、除咗自己條褲、岀牙仔、聽到音樂個肚仔會跟住拍子郁⋯

第8個月

出牙仔影響心情

岀牙仔令到bb好炆憎，可能開始笑少咗，望住佢辛苦，我唯一做到既係俾bb埋身食奶安撫佢既情緒，因為食奶奶係晞晞既嗜好。

第九個月

似懂未懂的喜怒哀樂

第二次去影樓影相，自己好開心咁笑，見到攝影哥哥拎住相機幫佢影靚相啦，對做過既事有記憶。

第10個月 

沒脾氣的開心果，開心的程度很簡單

經常傻大姐般的笑容

原來見到自己鍾意既卡通公仔會笑、第一次玩messyplay會笑 、玩波波池會笑、去街會笑、著靚靚會笑、甚至整蠱佢又會笑~這個階段很容易就哄到佢開心。

第11個月

準備踏入幼兒期

呢個月我覺得過得特別快，識既嘢越來越多。

-會表達自己諗法

-視力已經同大人差不多

-揀口味食嘢

-不斷有對話

-跟指示做動作

-會行到幾步

-學用餐具

-分辨叫爸爸媽媽同其他物件

-因滿足感而笑

等等⋯

第12個月

餵母乳的收成期

唯一無變就係佢對媽媽奶既依戀XD 

雖然一歲對奶既需求無咁大，食既次數減少。但晞晞開始識表達自己既意思，變得更加親密，宜家佢會同我講”媽媽奶奶”食飽飽會笑、牙痕咬媽咪會知道媽咪罵佢、一見到就會笑住撲埋黎食奶.....點解會係收成期，母乳媽媽經歷過追奶塞奶等等既辛酸，就是在等BB對你笑，給你一個滿足既笑容。

保持驚喜

小朋友能夠感受到父母快樂的氣場，同小朋友生活就好似談戀愛要經常保持驚喜。

其實佢哋每日都有俾你驚喜：開始做曳事、第一句爸媽、錫錫你、拍手掌等等。。

我哋既驚喜可以係煮新菜式、親子活動、織一條頸巾、參加群體活動、到公園玩、踩單車、一起畫畫等等....

結論

給予「愛」小朋友就會笑得好！

一班朋友仔同佢慶祝一歲生日，聽到生日歌好開心

家中既開心果慚慚開始有自己既想法，開心程度會更有難度，祝各位爸爸媽媽順利迎接trouble 2階段