作為奶爸的我，雖然沒有媽媽平時照顧寶寶咁仔細同咁有耐性，但都還算較有自信可以單獨照顧寶寶得好好。

有一次終於真的有機會挑戰自己，一個假期，媽咪約左朋友出街，屋企得翻我同個女，見天氣唔錯決定不要浪費好天氣，帶bb到附近公園行下，幫寶寶換左衫，隨手拎起尿片，又好似記得媽咪提過bb要戒片，盡量去近的地方唔好著片片，要訓練寶寶。但自己未試過帶佢出街唔著片，萬一突然她急怎麼辦？

不過公園都唔算太遠，應該無問題，於是就無幫bb著片片啦，寶寶聽到話去公園好興奮，一路玩一路行，突然她大叫要「poopoo」我望下附近不遠處有公廁，即刻抱起她衝入廁所，我用紙巾擦乾淨廁板，準備抱她上去，她死都唔要，越喊越大聲，我又哄又求佢，都話唔要。我無曬辦法只好帶她儘快回家，翻到家她就自己去廁所直到完事先叫我幫忙清潔，我就責備她幾句點解一定要返到屋企先肯poopoo。

媽咪返到家，我講返呢件事，她就話你下次唔需要緊張，她拿出一個袋仔，裡面有消毒液，一個摺疊式兒童坐廁板，她話以後帶這些出去，寶寶已經識自己去廁所的啦，只要你在旁協助下就得。

哦，原來帶個私家廁板就得，怪不得出去她死都不肯poopoo，原來唔係自己的！所以作為大人都要清楚小朋友的如廁習慣，否則搞唔清楚原因，一味責備她只會產生抗拒，對上廁所產生恐懼，以後寧願賴都唔肯去廁所就好糟糕了！