如何令BB Poo得暢順

老一輩教落BB Poo Poo時一邊唱歌仔俾佢聽， 一邊用手溫柔咁拍住佢pat pat或背部，當然歌詞大意係叫佢快d痾喇，舒暢咁痾，雖然橋係舊d但效果幾顯著。當BB習慣咗依個Poo Poo既模式，就可以慢慢減少某d步驟，比如我試過唔再用手拍佢背部去Poo Poo，之後又減少唱歌，改為播放純淨既輕快音樂俾佢聽。當然每個BB或小朋友既Poo Poo習慣都唔同，家長們要有耐性，慢慢搵出最適合自己BB Poo得暢順既方法。

除上述既方法，我會喺佢仲係BB時，每日早晚都幫佢按摩肚仔，首先加幾滴按摩精油喺佢肚仔度，然後用溫熱咗既手，順時針方向按摩佢肚仔5至10分鐘，但要注意精油需避開佢肚臍。