相信每個家長都一定有遇過以下情況，就係出門在外，小朋友會突然同你講好急，要去poo poo，真係殺家長一個措手不及。

喺依個時候，家長需要保持冷靜，盡快搵出最近既厠所。而我會一夫當關萬夫莫敵咁抱起小朋友，以9秒9既短跑速度向廁所方向衝刺。同時會盡量溫柔咁（其實可能係驚青，哈哈）同小朋友講「你等等，我地即刻去廁所poo poo下」。

當然喺事發之前，我一定會不斷咁、有恆心咁經常教佢，如果出街時一發現自己肚仔有少少唔舒服又或者突然想去poo poo了就要即時同我講，千萬唔好忍到最後。