人係會成長，尤其係小朋友，成長速度驚人，話咁快小朋友又到戒片既時候了，相信每個家長都要煩惱點樣可以令小朋友順利戒片。當小朋友痾濕咗尿片時，我會笑住咁帶疑問既語氣同佢講：「醜醜怪喇，想痾尿尿做乜唔出聲丫？下次要同我講，帶你去廁所痾」。

其次，要有耐性咁訓練小朋友去廁所，將佢鍾意既便盤放喺固定又方便既地方，要佢習慣坐下便盤。同時，同小朋友講公仔會點樣去廁所既故事，要同佢一齊去厠所，俾小朋友模仿下。訓練時，要注意俾小朋友穿著容易除低既褲仔。