BB一出世，個個媽咪都即時變左緊張大師。媽咪最緊張嘅一定係BB 嘅健康啦！
我自己覺得，BB嘅健康指標就係：食、玩、瞓、ALL (即係poo poo囉??，用呢個字順口啲吖嘛，咁英文拼出來又好似斯文啲咁囉?）食得就會快高長大啦！玩得自然精靈健康，學野快啦！訓得自然長腦又長高啦！咁ALL得證明腸胃好、吸收好，就乜都好啦！所以千萬唔好睇小poo poo 呀！
做左媽媽後，習慣觀察BB啲便便靚唔靚，成個專業便便研究員咁??。專業到有人亂俾野佢食我都可以發現到。所以唔好以為呃到我呀，哈哈
而雷小囡好鐘意食野，出街大人食乜佢食乜，想阻止佢都阻唔到。出街食飯想開開心心，唔想攪到大人同bb 都有壓力，所以出街就由得佢食，盡量揀啲比較清淡啦。等大家都可以開開心心食餐飯。係屋企就要食得健康啲，減鹽糖，清淡啲。多啲生果同菜菜，等佢poo poo得好啲，咁就健康快樂喇。
另外，BB同大人一樣，運動可以幫助大腸蠕動，做多啲運動真係poo poo都順暢啲。所以經常帶佢去公園跑跑跳跳，可以幫忙腸胃健康之餘又可以放埋電，真係一舉多得呀。
以前家姐雷大囡細個時，我仲係個在職媽媽，冇乜時間對住個囡，所以戒片都係等返N班交俾學校教。 而家做左全職媽媽，當然想早啲幫雷小囡戒片片啦。係冇乜經驗情況下，唯有乜都試下。雷小囡鐘意玩BB公仔，專程搵個識poo poo 嘅公仔俾佢。希望佢可以係遊戲中學習。買返黎咁耐，一直都係俾雷小囡用來「陪瞓」。最近幾日先機會用來「教學」?。玩左幾次後，雷小囡開始對自己個「寶座」（廁所）有興趣，會自己去坐下。雖然未成功。但起碼又行近一步先啦??。雷小囡，加油呀???? 媽咪會支持你，為你打氣架!! ?
上一頁
