要BB poo得好，飲水好重要。

女女由BB開始，一向都好痾得，每日都有得poo poo。

不過自從開始轉食固體之後，女女時不時會出現石頭米田共，有時更加係冇得poo，第二日先一次過poo好多。

深究過原因係女女唔鍾意飲水。上網睇過其他媽媽嘅做法，會加少少果汁落水，用香味來吸引小朋友飲水。但係我唔想女女習慣飲有味水，之後要戒除就會變得更困難。

起初我地會用氹嘅方式引女女飲水，會扮下用水杯飲水，話好好味，但係女女飲完一啖，都係會吐返出黎…後來發現用激將法不錯，我俾隻杯女女，當女女想拎個杯黎”玩”時，爸爸就搶走個杯扮飲，女女就會想拎返自己飲，不過玩得多，女女都係唔受氹，飲左一啖又俾返個杯爸爸。

後來有一次帶女女到餐廳食飯，鄰座有個年紀相若的小朋友，那個小朋友跟我女女剛剛相反，不愛吃飯，只愛飲水。可能小朋友都喜歡模仿別人，特別是朋輩影響力更大，女女那一餐竟然肯喝水了！

現在女女一歲多，已經不再抗拒飲清水了。小朋友長大了，開始會自己思考，自己選擇。吃飯/茶點時，我會把水杯放在她的枱面，讓她自行決定何時喝水，這樣做比我遞水杯給她更有效。

睇下女女依家幾鍾意飲水~