《小朋友點樣poo得好～經驗之談》
諗返起芊嶠未成功戒片，佢係先戒到poo poo，佢急poo poo個陣，識同我講，咁我就會帶佢去廁所，通常都係係屋企去poo poo多！直到有一次出街，佢又話急poo，好彩係大商場，廁所都比較乾淨，最緊要係，有小朋友廁所，平時係屋企，佢都要扶住我地，借力去poo poo，始終因為腳掂唔到地！但小朋友廁所就唔同，佢腳仔掂到地，自己都去到。
但想講最搞笑係咩？佢真係只會去poo poo，但佢係一滴v都唔肯去架！救命！點解可以咁？佢poo係唔會再係片去，但v又只會有片去，真心難搞。我覺得自己算好彩架！因為芊嶠雖然好怕污糟，但去poo poo，佢無論係咩廁所，街又好，唔同人嘅屋企都好，佢都一定去得好暢順。不過有樣野，佢唔慣講poo poo，我地教佢講去「唔唔」，但當佢急，佢會同我講：媽咪，我好急屎！有時大聲講，比人聽到勁尷尬囉！
我地對芊嶠本來就唔係富養，可能係因為咁，佢每樣野都冇咩所謂，去poo poo，無論環境係點佢都去到。我覺得香港搵廁所唔算難，但要搵乾淨嘅，都唔易，有時就算係商場，都未必係次次都好乾淨，最慘係，有時成個廁所得一格係親子廁所，但就往往係比其他人佔用左，但芊嶠偏偏就係要等個格，真有性格。但有時等得耐，我都會叫佢去第二格，免費瀨出來就唔好！
上一頁
