雷小囡2、3個月大時試過5日都冇poo poo 。真係嚇死我呀⋯⋯問左醫生，原來因為bb大左，吸收好左，而且因爲只係食奶奶，可能俾佢吸收晒，所以冇poo poo 都好正常，唔洗太擔心，只要佢精神，識玩識食識放屁就冇事架喇。果刻先知原來放屁??都係重要嘅

到左啱啱加固，便便又開始有唔穩定，剛開始都好擔心。後來注意到原來同飲食好有關係，可能因為加固後奶奶可能會食少左，水份相對都少左。所以剛加固間中都冇會poo poo 。所以即時由飲食入手?

今日介紹幾款簡單嘅食物俾大家，適合6個月左右剛開始加固嘅BB。 

今日嘅主角係南瓜。南瓜中含有豐富的膳食纖維，可以促進大腸蠕動，幫助緩解便秘，對大人同bb都好好架?

剛開始加固嘅bb 可以直接食蒸南瓜。只要將南瓜切薄片，放飯煲蒸熟，蒸完後已經係南瓜蓉，唔洗咁麻煩又開機攪拌左洗右洗。簡直係 「快、靚、正」首選 。 仲要甜甜地好好味，bb一定好鐘意食?大家不妨試下吖?

大小小可以南瓜蒸肉餅，有肉有菜，健康均衡。而且因爲有南瓜，咁就唔怕冇poo poo喇?

有媽媽問點解蒸出黎啲肉餅好硬好實，蒸完仲要用料理機真係好麻煩..

其實唔洗咁麻煩，只要將南瓜切粒，肉碎加少少水同南瓜粒撈勻，咁樣蒸完啲肉的又淋又滑，用匙壓一壓就變蓉，又係超級方便?大家不妨又試下吖?️ 適合10-12個月B.B.

南瓜西蘭花肉餅。配飯或配星星粉都可以。一樣好好味。

西蘭花搣到細細粒，同南瓜，肉碎一齊入飯煲蒸。蒸完出黎啲西蘭花一壓就爛。都係唔開機打架??完全係好懶嘅 雷囡媽媽 style啦??

當然食橙都非常有用啦，你睇雷小囡見到橙橙幾開心

雷囡媽媽今日又介紹住咁多先啦，多謝各位收看? 

鐘意嘅麻煩幫手投我一票吖，多謝?

如果大家想睇更多簡單餸菜或者嬰兒餐單，可以留意我嘅專頁。

Facebook page : 雷囡媽媽 

YouTube: Luiluimamak 

Instagram: LuiLuiMaMa