BB冇poo poo，睇到媽媽心都痛埋，有咩可以幫到佢？

之前介紹左粟米同南瓜，幫助poo poo嘅當然唔少得菜菜啦?? 

煮bb爛飯，菠菜同西蘭花就最方便。煮完啲菜壓幾下就變菜蓉。唔單止對poo poo 有幫助。菠菜仲含豐富嘅鐵質同葉酸，對腦部發展好好，食完阿b都聰明啲啦???????

介紹俾大家嘅有呢個：

菠菜/西蘭花蒸魚 

簡單好味有營養??蒸魚煮菜，大人bb都啱食。親子共食吖嘛！ 慳返好多時間架??????

除左食粥同飯，10-12個月左右可以食啲麵麵。

同大家介紹埋呢個 ：

肉碎菠菜麵

又有媽媽問我，點先可以令啲肉唔會煮完一嚿嚿，又硬又難咬。其實又係好簡單，煮嘅時候，肉碎加多啲水，倒落煲麵麵時邊倒邊攪拌，咁煮啲肉碎就變到好似糊仔咁。唔洗擔心bb冇牙咬啦??????

仲有最重要嘅水果當然唔少得啦，香蕉、蘋果、雪梨、啤梨...所有水果都對poo poo有幫忙，有纖維又有水份，所以每日食水果，醫生遠離我吖嘛?? BB六個月可以開始試果蓉，可以去買塊膠嘅磨蓉板，十幾蚊咋。磨蘋果蓉、梨蓉，去皮後打圈磨，唔洗一分鐘就攪掂?? 快、靚、正又易洗，重點係唔洗經攪拌機，唔洗洗得咁辛苦之餘，仲唔會因為經過機器而令到營養流失。

你睇下磨完啲梨一啲都冇變色，幾勁????

你睇雷小囡幾鐘意食水果☺️

雷囡媽媽今日又介紹住咁多先啦，多謝各位收看? 

鐘意嘅麻煩幫手投我一票吖，多謝??

如果大家想睇更多簡單餸菜或者嬰兒餐單，可以留意我嘅專頁。

Facebook page : 雷囡媽媽 

YouTube: Luiluimamak 

Instagram: LuiLuiMaMa