想知BB點先可以poo得好?

雷囡媽媽唔係一個成功嘅母乳媽媽。醫生話因爲我某啲原因，對奶量會有影響。雖然我好努力嘗試晒大部分方法，亦曾經經歷過又埋身又泵奶，廿四小時冇覺好瞓嘅日子。但追唔到都冇辦法，唔想搞到壓力太大全家陪我產後抑鬱，咁就不如輕輕鬆鬆開心湊bb。做一個開心嘅雙奶媽媽。

所以雷小囡就係食母乳同奶粉大嘅。雷小囡剛滿月後試過最多5日去唔到便便，而且間中都會2-3日先一次。雖然醫生話只要識「放屁屁」就唔洗太擔心，但邊有媽媽真係會唔擔心吖。而且有時真係唔覺佢有「放屁屁」，真係擔心死呀。當時又未開始加固，冇得由食物入手。唯有轉奶粉試下啦。所以雷小囡都試過幾隻奶粉。最終搵到一隻真係適合佢嘅。腸胃即時好返曬。????????

所以，想BB poo poo 好，首先要搵到一隻適合佢嘅奶粉。當然首選係媽媽奶啦。但如果真係做唔到全母乳嘅媽媽亦都唔洗太擔心，總之唔好嫌麻煩，一定要試到一隻適合嘅奶粉。真係非常重要。

BB加固後除左一日三餐，當然唔少得餐與餐之間嘅零食啦。食零食除左唔好餓親佢之餘，仲幫忙bb嘅腦部發展、鍛鍊手指仔肌肉、協調能力、語言發展...等。好處多到數唔晒，所以唔好睇小零食嘅重要性呀！

所以今日介紹啲幫助poo poo嘅健康零食俾大家啦。其實都係大人bb都啱食架☺️☺️??

• 焗蘋果片 蘋果片食譜?

自制無糖乳酪 自制無糖乳酪食譜?

以上兩樣食材對腸胃好就係人都知，我都唔係度長氣喇。??

（當然試新食物前要確保bb冇食物敏感先啦）