出門bb突然急poopoo，呢個真係有一次好難忘的經歷。記得當時是出去九龍同朋友食完飯返屋企，當時因為同朋友好耐無見，不知不覺傾到唔記得時間，咁當時因為朋友都有帶小朋友出黎，所以就約佐去一個大人可以坐低傾計，小朋友又有得玩的餐廳用膳，不過當時是因為寶寶啱病好，所以腸胃都比較敏感，飲食方面都要清淡，但是去到餐廳我先發覺d食物唔太啱寶寶，不過大家一場黎到我又唔好意思開口話轉地方啦，咁只好我叫d盡量清淡的啦，但沙律唔啱食，肉排太油膩，炸物太熱氣，最後無得選擇我就叫了客肉醬意粉，寶寶食佐大半碗，然後就玩到我們走啦，都無問題。點知一上到bus，寶寶就話肚痛，當時我都唔知點算好，開車無可能停車俾你落，因為啱去到隧道，最快10分鐘先到下個站，我記得好似因為以防萬一有帶一塊尿片出街，但係車度我唔知點幫bb著片，唯有帶寶寶上bus樓上去到最後的座位，好彩架車唔算太多人，去到最後座位幫寶寶著佐片片，無影響到其他乘客，返到屋企睇下，好彩有果塊救命尿片，如果唔係後果真係極度尷尬，我都唔知點算，所以每次出街以防有咩意外，都是帶多塊尿片好d