PooPoo 得好，除左飲食習慣之外呢仲有好多野都好重要嫁！等花生媽分享下幾個小秘訣啦！

１）媽媽或照顧者個鼻要好靈敏，要留意住ＢＢ會唔會Poopoo左，一有Poopoo就要立即清潔(雖然我都明ＢＢ成日整蠱我地，成日係我地剛剛換完尿片先黎Poo但係無辦法嫁啦，唔懶得唔慳得!　特別係出世幾個月既ＢＢ每次都係Poo小小，佢地Patpat 好嫩嫁，一旦弄損左ＢＢ真係好難好嫁！Touchwood 花生仔呢由出世都而家個PatPat仔都好靚未試過出紅點點或者敏感.　坊間好多唔同牌子既濕紙巾右純水右防敏但係呢其實仲有陣Poo味嫁(hahaha 係呀無睇錯，係聞呀）由於Poopoo 都係帶點酸性刺激皮膚我地有一個小習慣就係屋企的話呢就會盡量用水同皂立即沖洗PatPat再抹乾查cream.    

２）培養坐學習坐廁。早係花生仔８個月剛剛坐得叻叻既時候就開始比佢地試下坐學習廁所嫁啦，相比起其他ＢＢ可能都比較早用學習廁所既, 初初未習慣點都會坐唔定周圍走，媽媽們要比Ｄ耐性呀，見佢肚仔谷谷成個Poopoo樣既時候不妨就慢慢放BB落去廁所仔度( 經驗之談，媽媽千期唔好緊張突然勁大反應會嚇親bb，bb會以為發生咩事就唔poo）開住音樂再陪住ＢＢ一邊鼓勵一邊發出"吳吳吳"聲，就算去唔出就由佢啦唔好迫佢地呀，那麼去Poopoo就會成為一件快樂既事啦。

３）選擇合適既學習廁所都好重要嫁！哈哈！孖Ｂ連坐廁都要打孖上嫁。剛滿１８個月既花生仔，我地屋企已經有４個唔同款學習坐廁啦。唔知點解好多時一個去緊Poopoo另一個右會無啦啦急Poopoo，最後齊齊運功，好搞笑嫁。以下介紹下花生仔屋企幾個廁所功能：

第一個廁所仔，果陣花生仔９個月，我選左一個矮身有坐椅既款，等花生仔雙腳可以穩穩踏係地上。

第二個廁所仔，具三合一功能，合埋係一個學習坐廁，拆開可以放上去廁板也有一個踏腳上廁板既野。呢個高身少少也沒有坐椅的。＠１０個月

第三個廁所仔，直接放廁板款，１５個月既花生仔都已經係學習坐廁上Poo左半年了，都ready好直接加廁板。

第四個廁所仔，摺合式旅行廁板。去旅行必備。＠１７個月

附上花生仔無走光poopoo照