同小朋友出門行街購物，預咗會有小朋友突然要poo poo既情況，喺依個時家長要即刻抱起小朋友搵最近既廁所，如果喺商場還好點，因為商場廁所設備完善又乾淨，長期有清潔姐姐搞衛生，又有小童坐廁同洗手盆，另有消毒泡沫提供，即使小朋友急住poo poo，家長只要輕輕一抺坐廁就得，乾淨又衛生，家長都放心喇。如果喺街度突然想poo poo，家長需要搵食肆，開個位先，借用完廁所再食個tea，補充下水份或定下驚都得啫。總之，最緊要唔好驚青，唔好求其搵個吉位、無數人既地方就咁poo poo喇，唔道德哦！