小朋友大到咁上下就要經歷戒片依個必經過程，家長喺度扮演咗幾重要既角色，唔可心軟之餘，仲要有恆心、耐性一齊同小朋友渡過戒片期。家長要買舒適、易脫既褲仔俾小朋友著，如果係女仔著開裙仔既仲方便添。易脫既褲仔令小朋友無難度咁可以自己完成脫褲過程，從而增加小朋友既自信心，更易步入戒片過程。此外，要買個個靚靚又好坐既小童用便廁，令小朋友覺得新鮮有趣，令佢唔抗拒學習或嘗試新事物，加強小朋友自主學習坐廁去便便。最重要都係要同家長一齊去廁所，今小朋友知道如何正確使用坐廁。