小朋友肚仔脹脹便秘唔舒服，家長要安撫佢先，俾少少暖水佢濕濕口，等佢安靜少少，唔再嘈吵時，用條暖暖地既熱毛巾敷肚仔10分鐘，毛巾如凍得快就即刻要另一條了。10分鐘熱敷完要用手輕輕地順時針按摩肚仔10分鐘，咁可以刺激腸蠕動，腸蠕動快咗，便秘煩惱自然迎刃而解喇。其實，肚仔按摩係屬小兒推拿既範疇，唔使食藥就可以解決到小兒病症，目前較受家長歡迎，我嘗試用推拿按摩解決咗很多兒科問題，當然最常用就係便秘按摩肚仔，安全健康有效，好過要小朋友細細個就食藥，增加佢既恐懼感，分分鐘為小朋友既童年留陰影。