我個女自從加固後都食得麻麻，所以我從一個零廚藝媽媽不斷進修增值成為一位好味媽媽，睇佐好多美食書，上網做功課，究竟小朋友鍾意食咩呢？為佐令bb食得好，我不斷嘗試，俾我摸索到她鍾意甜嘢，所以我都儘量掌控糖分之餘可以做d距鍾意的食物等距食多d，其中一樣雜錦五穀pancake距最愛之一。

做法好簡單，我用芝麻，核桃粉，糙米粉，小米粉，淮山粉和鮮奶混合，份量視乎小朋友食量，我各一匙和100ml鮮奶混合，加入砂糖，最後加入pancake粉拌勻，已經完成一大半最後我無落油直接係pan度煎熟，有時我會當茶點俾距，有時我無加糖中間夾住肉碎，蝦仁，菜碎，當肉夾饃俾距當正餐，其實唔一定要食飯食粥，只要距肯食，麵包，米粉當主食都無問題的，不需要太在意距食d咩，距肯食，食得開心食得好先最緊要。

我有時仲陪距一齊食呢d，距鍾意模仿大人，所以等距知道媽咪都食呢d，呢個又好味有簡單，又多變化，葷素搭配又得，輕食又得，多種營養，就係食得好。