作為一個新手媽媽，BB到底點樣先食得好，係一個好高既學問。因為冇經驗，唯有靠聽取長輩既意見，或者自己睇多D書。

蔡妹妹而家八個月大，由六個月起，我就開始幫佢加固，俾佢嘗試唔同既食物，試下唔同既口感。講真，食譜我真係冇乜，因為我完全唔識煮飯 haha 婆婆一直主理蔡妹妹每日餐單，工人姐姐就依照婆婆既教導每日整唔同食物。

暫時黎講，蔡妹妹對於加固係十分順利，冇任何不良反應，但我地發現佢係唔鍾意食菜（唔知係咪似我，哈哈）

妹妹每日餐單，大概係牛肉粥、蘿蔔瘦肉粥、紫薯瘦肉粥，仲有三文魚粥。每一日佢都食得津津有味，清哂碗，完全冇浪費過一滴。

有時我地出街食飯，會俾佢試下自己坐餐廳既bb chair ，餵麵包俾佢食，等佢感受下坐埋一齊食飯。

仲有一樣野好重要既，就係真心感受到，原來唔浪費食物係從小做起，因為由佢喺醫院返屋企第一日起，我地已經唔俾佢浪費奶奶，一推開奶樽或者唔願意埋身，就由得佢。推多一兩次，發現奸計唔得逞，就會乖乖食架喇～

作為爸爸媽媽，或者我地要放輕鬆d. 咩都俾BB試下，佢食得好乖時，讚下佢，讚得多自然會越食越乖，因為佢地係會感受到成功感架～～