因為小JM岩岩打完針既關係，

所以爸爸為小JM落廚去預備晚餐，

預備左鮮茄芝士吞拿魚貝殼粉做晚餐。

 

今次我係負責為爸爸去做文字紀錄，

所有材料、製作過程等都係爸爸自己一手包辦架！

 

材料：

BB貝殼粉         適量

蕃茄                 一個

吞拿魚茸           適量

芝士                 兩片

 

做法：

1.）  先將BB貝殼粉以滾水煮開，盛起備用。

2.）  將蕃茄去皮，切粒備用。

        ＊小貼士＊

        想蕃茄容易去皮？

        其實只要係蕃茄表面用小刀輕?幾下，再以滾水煮數分鐘，

        盛起後待涼，即可輕易撕去。

 

3.）  將即食吞拿魚茸倒出，備用。

4.）  芝士切條，備用

5.）  將已去皮及切粒既蕃茄倒入鑊中煮成茸，

        再加入吞拿魚茸及芝士，慢慢攪伴。

6.）  最後加入已煮好既BB貝殼粉，再略煮即成。

 

 

小JM雖然打完針比平時扭章一啲，但胃口依然唔錯。

爸爸亦好開心小JM肯乖乖食晒啲野。