《花生媽 :小朋友瞓覺成日發開口夢 ? 不容忽視的睡前儀式 !》
-作者: 花生媽與花生兄弟
花生兄弟就快一歲( 更正10個半月) 最近發現哥哥時不時瞓覺會發開口夢或者一直都唔肯訓, 起起初覺得好鬼得意仲叫醒花生爸笑下佢.
大慨有時會吱吱笑;有時會大叫; 有時自言自語每次持續幾分鐘左右. 久而久之, 做RESEARCH 花生媽先知道可能一直都無為他們建立良好的睡眠質素.
先講下平時花生仔夜晚既SCHEDULE.
花生媽係WORKING MOM, 白天照顧花生仔既重任都交左比婆婆. 計埋計埋每日對住大小花生既時間只有3-4個鐘. 照顧兩個同齡既小朋友做咩都雙倍, 只要有一個環節停滯著, 分分鐘成一點都上唔到床. 因此每日放工都9秒9番屋企同大小花生做一連串既活動如下:
1930-2015 大小花生食晚飯時間
2015-2100 沖涼 X 2
2100-2130 玩玩具
2130-2200 睇巧虎/睇yourtube 唱歌
2200-2230 親子共讀時間
2230-2300 食奶+換尿片
2300-2330 上床訓覺
花生媽同花生爸檢討左, 可能臨睡前玩得太興奮，或者讓做一連串活動令佢地過於疲勞。因此造成腎上腺素濃度增高以對抗機體產生的疲勞，反而會因為興奮、易怒、急躁而難以入睡或者發開口夢影響睡眠質素
時間有限, 教育及玩耍中要得到平衡. 唯有先從環境及睡前儀式入手吧~~
1) 房間的光線盡量昏暗
2) 把沖涼時間調至臨訓前. 沖涼後立即抱入已經準備好的睡房內.
3) 沖完涼, 順勢輕輕幫BB按摩可幫助入睡
4) 睡覺時播放音樂作為睡眠曲
效果都唔錯啦~ 醒瞓同發開口夢既次數減少左呀
大家不坊試下唔同適合自己BB既睡前儀式啦~
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
