令小朋友訓得好啲，我自己就會每日係佢訓覺之前都做一啲睡前常規
睡前常規係咩黎架呢？就係每日都會做既習慣啦
等佢知道明白每日重複做完呢啲動作後就係訓覺既時間黎架啦
最重要係Set一個每日指定既時間佢訓覺，好似我就比佢係每日既8點訓
而佢訓之前既半個鐘我就會做睡前常規啦
禁我會係佢訓之前幫佢做以下既動作
沖涼 – 搽Lotion – 著衫仔 – 刷牙 – 唱歌佢聽（一小段） – 關燈
我每日就係禁樣重複去做呢啲動作等佢習慣每次做完就係訓覺既時候啦
開頭一定要慢慢去每日堅持住做
我係做完以上既動作等佢自行入睡既
令佢有好既作息時間好既睡眠
當然唔係一時半刻佢就可以自行入睡
佢岩岩開始既時候係會喊得好犀利，如果佢喊左5分鐘都仲喊緊
我會入去抱起佢哄下佢等佢唔喊啦，再放低佢同佢講bb要訓覺架啦，你自己睡覺
唔洗驚，媽媽會係門外陪住你架
之後就出房門，如是者地一直重覆呢個動作，但係我會係佢喊既時間上面做調整
姐係第一次喊我會5分鐘後入去，第二次喊我會隔10分鐘，如此類推地加上去
開頭你會預佢訓一段時間（個幾鐘吧）
但只要每日禁樣堅持重覆去做
佢係可以學習自己訓覺同訓到12個鐘
係就係佢會喊得好緊要好犀利
但係等佢學識自己訓覺係有好處既
就係bb仔好多時都係會半夜自動自覺地醒左而又未必係因為想飲奶
禁係因為佢地既睡眠週期比較短
一個鐘到就會由淺睡到深睡再去番淺睡期
係由深睡去淺睡既呢個時間係特別容易醒
所以就會有好多媽媽覺得bb半夜醒既時間特別多啦
所以等佢地學識可以自行入睡，就算佢半夜醒左
都能夠自己訓番教而唔需要話去哄佢或者餵小小奶佢就自己訓左唔飲啦
其實好多bb仔（4個月以上）都係半夜唔係肚餓
但係又要飲啲啲奶至肯訓番
原因係因為佢地想靠飲奶去安撫自己入睡
因為細個個陣佢地係飲住黎訓又或者係飲飲下訓著既
以上都係我個人既心得
大家如果有興趣既可以一試
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
