小朋友笑，父母百看不厭
-作者: CarterMa
Posted on March 26, 2018
相信每個媽媽都鐘意睇到自己小朋友笑，百看不厭。小朋友開心，我地大人既心情好，亦湊得舒服。
Carterboy 係一個非常愛笑既小朋友，所有親戚朋友都大讚佢好乖成日都好開心。很容易就可以令佢笑，喊緊或扭計亦好快可以轉喊為笑。
我覺得小朋友成長過程俾到佢地滿滿既安全感和愛，係最好既禮物，但當然不會去到寵壞的地步。我們這一家包括Carter 爸媽有6個大人一起和Carterboy 住，還有兩隻狗狗大叔，一家樂也融融。
有質素既陪伴：每一日Carterboy 的兩個咪媽(表姨媽)，Popo 和媽咪都會帶”比Car蕉” (我家兩隻小狗蕉蕉比比和Carter) 外岀散步食早餐。
每日都會有很多人在家跟Carterboy 一起玩，或帶佢去街街。現在Carterboy 兩歲，互動多左，經常做些笨笨的可愛事，每日屋企都充滿歡笑聲。
Carterboy係個好幸運既小朋友，屋企有好多人一齊住，工作時間自由，可經常陪伴。但其實Carter baba 都係番Office工，但因為佢會用好多時間照顧和陪Carterboy 玩，所以Carter 都好愛爸爸，甚至有時我覺得佢最愛爸爸呢！
所以我講既有質素陪伴，不一定好似我地平時咁多陪伴，只要係有用心，就係有質素。
安全感和愛：我每天都會對Carterboy講I love you呢！經常錫佢，同佢講I’m proud to be your mama， 每次佢都會心微笑。我亦從來無係佢身邊突然消失，每次離開都會同佢講幾時會番。Carterboy扭計時，我一直自己堅守温柔冷靜，有同理心，保持原則，不打不鬧去教導，幸好家人亦一樣，我不夠膽説這是最好或唯一正確方法，反正Carterboy 就很受這一套。
Last but not least, Carterboy 最愛既公仔, 亦係每日令佢笑得最冧，最開心既朋友，每早起身第一件事，一定是先親吻佢地，攬下錫下傾下計。喊得傷心時，公仔通常係可以令佢冷靜下來，轉喊為笑既神器！
爸爸媽媽和一起住的家人多些有質素既陪伴，平常給預滿滿的安全感和愛，培育心態健康，我深信依d都係令小朋友每日開心快樂既因素，自然會笑得好。
Comments
