孩子從玩樂中成長
-作者: 粒媽一枚
相信大家都識最近一首洗腦兒歌 粒b一聽 就會跟住跳 好可愛
雖然我唔主張比小朋友睇電子產品 但間唔中比係可以既粒b就快22個月 睇既次數真係好少 不過當佢大少少 我有再比佢睇 等佢知點跳呀嘛 好得意 佢聽倒我地話好好睇呀跳得！佢就會好開心 連老師都話 覺得佢好中意跳舞
我係全職媽媽 我冇特別話要教識佢啲咩 甘細個 唔係應該等佢從玩樂中成長？
我時常帶佢周圍去 等佢接觸多啲人同事 等佢大膽啲！粒b好中意出街架！可能似我中意周圍去 似Daddy富有好奇心（小朋友係充滿好奇心其實唔關事）
如果唔聽話 我發現可以比佢企喺度 數20下 等佢咩都唔好諗 只數數 呢個方法大家都可以試試 都幾好 等佢冷靜落黎。
剛剛去左長洲 發現都幾岩小朋友 因為有好多風景 小朋友會好中意 坐船好開心 不過有機會會冇耐性XD我會帶定啲波波吹比佢玩。
