不求栽培，但求BB每日笑多啲
-作者: 上官紫龍
囡囡目前歲半左右，識行識走，爬上爬落無時停，講到點樣令佢開心笑？有時我笑既時候，我專登笑大聲d,目的都係想佢望住我，佢見到我笑既時候，佢竟然扮我笑，仲笑到咔咔聲。
有時同佢玩同佢講野既時候，只要將動作誇張d,聲音變得奇怪d，佢已經笑到見牙唔見眼，因為佢覺得得意，每日咁樣同佢玩，佢都會覺得新奇、有趣，我成日都話佢笑點低，有理無理都笑飽餐。
總結來講，其實小朋友開心，想佢笑係好簡單架，只要你肯花d時間、心思去陪佢玩，已經令佢笑得好開心，唔好話點樣去栽培佢，為人父母，只要每天令小朋友笑多d，其實已經好足夠架啦。
