當SA姐開始進食固體後，我係有D緊張，因為我信早期飲食對BB將來多樣發展都有影響！
所以我想佢食得有營！
比SA姐既午同晚餐，都會用食物營養組合，通常係跟以下列表: A配B+C！
而食材比例就按衛生署建議，用321原則，即3份穀物, 2份蔬果, 1份肉類/蛋類及代替品!
A：肉類/蛋類及代替品
豬，雞，牛，魚，豆腐，蛋，鷹嘴豆，紅腰豆, …等等
B：蔬果
菜芯，菠菜，紅菜頭，南瓜，蕃茄，椰菜，青豆，蘿蔔，五色椒，冬瓜，節瓜，菇類，秋葵…等等
C: 穀物/殿粉質
飯/麵，粟米，薯仔，蕃薯…等等
D: 其他 (可按需求加入)
紫菜（碘） ，淮山（健脾），洋蔥（殺菌），牛油果(營養價值很高)…等等
身為雙職MAMA (即係有份正職但放工返屋企＝返第2份工，仔女係老世), 星期六/日,
我比較鐘意做D簡單但感覺又好有營養既餐（係，我懶，唔好要我搞一大輪先整到一餐）！
以下呢個我就覺得方便得黎又好玩既食譜：
鷹嘴豆雞肉五色椒波波飯團
材料：
1湯匙鷹嘴豆 （約十多粒）
1湯匙雞肉
4湯匙三色椒(因為切椒時其中一個爛左,我後其加入左蘿蔔)
1碗飯
*呢張相蔬菜量小D,因為我會切蔬菜條比SA姐另外食,冇加晒入飯團*
做法：
1. 先煲滾1湯匙鷹嘴豆,入燜燒杯焗大慨3小時再煲15分鐘 (慳火同唔洗睇咁耐火)
2. 鷹嘴豆壓蓉待用，甩左既豆衣可選擇比唔比BB食，豆衣較難消化，口感亦冇咁好
2. 將雞肉同五色椒蒸熟切粒待用
3. 用保鮮紙包起適當飯量，加入鷹嘴豆,雞肉同五色椒扭成波波狀
4. 可加入紫菜
頭先我講既好玩，咪就係我可以同萬帥玩埋親子，又可以叫佢幫手整妹妹既野食，
一舉兩得！萬帥真係好ENJOY架！
波波飯團完成啦！真係快靚正！有時間仲可以裝飾一下！
將D飯團整成波波形狀，BB手仔細，好揸手，而且唔洗大人餵，佢會更有興趣去研究同嘗試！
萬帥整完自己又食埋一份
SA姐用鯨吞法表示滿意！
＊＊想BB食多D又食得開心小貼士＊＊
1. SA姐食飯時，好多時我會開歌仔，令佢有愉快既心情進食，佢就會唔覺意食多左！
2. 晚餐前先放電，食慾會大增，不過唔好放到完全冇電，唔係就訓住食HAHAHA！
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
