自家製龍利魚魚蛋
-作者: 八爪魚
市面上日本魚蛋都有各種添加劑，真正食入口嘅魚蛋成份唔知有幾多！
自己做食材新鮮，真材實料，營養全面，最適合小朋友食。
非常簡單冇難度，跟住有幾個步驟就可以完成。
魚蛋做好仲可以凍喺雪櫃，平時可以放喺BB粥入邊或者面入邊。
適合10個月以上bb唔加鹽就可以食，只要對蛋清唔過敏就得
1.食材準備：龍利魚適量，香蔥一根，粟粉適量，雞蛋一個只用蛋清，小白菜一棵。
2.龍利柳解凍切小粒
3.因為節省時間我一般會將龍利柳放入攪拌機打成魚泥，魚泥越細越好。如果冇攪拌機用刀切也可
4.打入一個蛋清入魚泥，順時針攪拌均勻
5.紅蘿蔔洗乾淨刨皮刮絲切碎，香蔥切碎，
6.魚泥中分別加入紅蘿蔔香蔥再加入適量粟粉攪拌
7.一歲以上小朋友可加小小鹽(一歲內不加鹽)
8.小青菜洗乾淨，放入熱水滾一滾，去除異味，草酸等有害物質
切開備用
鍋放入水等水滾，手裏面放魚泥喺虎口處擠出嚟，用匙羹刮到鍋中
煮熟嘅魚蛋會飄起，最後放入小青菜就完成啦^_^
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
