黑白芝麻豆腐飽
-作者: Minibubble
家中有個豆腐怪爸爸, 同樣出了個豆腐怪女兒, 十分愛吃豆腐, 不過豆腐始終比較常見是中式煮法, 今次搞下新意思, 拿煮餸用剩的豆腐來做麵包, 原來都得架喎. 仲好健康,口味清淡, 都幾岩一歲以上既小朋友食架.
麵糰材料:
高筋粉 200克
裸麥粉 50克
豆腐 175克
鹽 2克
糖 10克
牛油 15克
奶粉 8克
水 20克
酵母 3克
加工材料:
黑, 白芝麻 各適量
做法:
做法:
1. 把麵糰材料放入麵包機內, 按”菠蘿” Mode開始搓粉. (其他麵包機可能有別的名稱和程式, 即後期加工程序, 請自行對應選擇)
2. 約55分鐘後, 第一次發酵完成, 取出麵糰輕拍排氣, 分成12等份, 靜置10分鐘.
3. 先在麵糰上噴少許水, 然後逐個麵糰滾上芝麻, 每種芝麻做6個.
4. 然後相間排列好在麵包機內, 可砌2層. (放之前拿走機內的搞拌扇葉)
5. 最後放回麵包機內繼續發酵和烤烘, 完成後取出放涼即可食用.
做法簡單, 這款麵包因加入裸麥粉, 口感相對紥實, 有點像英式鬆餅感覺, 帶有豆腐的淡淡豆香, 可塗些果醬伴吃, 味道更好.
營養豐富又天然, 好適合小朋友做早餐或茶點.
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
