BB粥零失敗製作方法
-作者: Mommy Amy @ 媽咪實驗室
呢期興金句, 等我都試下模仿造句先!
『個個都煲粥，唔通個個都想煲粥咩!』
係架, 如果唔係為左BB, 真係唔會想煲粥,又要睇火, 煲少左又驚唔夠食,煲多左又要自己食返, 你都咪話唔麻煩!!
我明, 我絕對明阿! 我都係過來人, 小女子有BB前, 幾乎唔入廚房, 為左BB加固, 先的起心肝鑽研廚藝! 所以今日我就黎分享, 點樣煲粥煲得精準, 份量、火候岩岩好, 仲可以隨著BB既吞嚥能力黎調整適當既軟硬度!! 事不宜遲, 去『文』!
首先, 你需要以下工具:
- 有煲粥功能既電飯煲一個
- 有刻度既量杯一個
方法非常簡單, 用以下既表黎量米同水, 放入電飯煲, 按下煲粥功能, 搞掂!
同場加映:
粥底搞掂左啦, 甘餸又點整呢？
岩岩一開始加固，菜肉各一樣，一餐預5蚊銀仔既量，用鑊隔水蒸10—15分鐘 (由水滾時開始計)，蒸熟後再切粒 (小Tips肉類蒸熟後會好切好多), 之後用小型果汁機加兩湯匙水，打成溶，撈埋落粥底到就食得。
如果有返歲時，其實可以放埋落電飯煲內同米一齊煮，煮好後再撈返D餸出嚟攪碎後再放返入粥底到，好方便快捷架!
希望各位新手爸爸媽媽睇完呢篇分享之後，會對BB加固更有信心，唔會好似我一開始時那種如臨大敵既徬徨! 各位加油阿!
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
