魚蛋頭是日糧食—脆肉瓜紅蘿蔔泥
-作者: 魚蛋頭伙食記ep2
魚蛋頭每日一花款，魚蛋媽盡量每日都諗新嘅餐單俾魚蛋頭等佢有多d新驚喜，雖然我覺得魚蛋頭依家食乜都係差唔多，但係等佢試多d唔同味嘅嘢都係好事嚟嘅。繼上次整咗菠菜米糊後，魚蛋媽又一力作–脆肉瓜紅蘿蔔泥，今次又係食到魚蛋頭停唔到口。哎呀，魚蛋媽今次竟然唔記得影返張魚蛋頭嘅污糟貓相添，蝕咗。
今次魚蛋媽都係一樣啦，煮食工具就係得電飯煲一個，後期製作成泥嘅就係手磨嘅6合1工具。呢個就係製成品啦，燈燈燈鄧⋯⋯

好啦，等魚蛋媽又講下要準備嘅材料先：
脆肉瓜–半條
紅蘿蔔–半條

就係咁簡單啦。準備好材料之後就切片，不過魚蛋媽今次預算失敗，半條脆肉瓜同紅蘿蔔都係得魚蛋頭一餐嘅份量。因為魚蛋媽估唔到脆肉瓜嘅水分係咁多噶，所以要整脆肉瓜嘅媽媽要預多d材料啊，魚蛋頭今餐得咁多有得食囃。但係，對於魚蛋頭仲未係太鐘意食固體嘅關係，咁嘅份量已經都夠佢一餐飽。

其實今次嘅脆肉瓜紅蘿蔔泥係魚蛋爸都有份製作嘅，魚蛋爸係負責切同煮，而魚蛋媽就係負責做磨泥果個。PS:魚蛋爸係極力要求我畀返呢個credit佢。
講住咁多先，大家記得睇埋魚蛋頭食嘢條片啊，下次再share魚蛋媽伙食，88。
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
