今次小獅家要帶大家到台灣宜蘭，宜蘭係一個好適合親子去既地方，

而我地為左比小獅妹盡情放電，

所以我地就去左宜蘭市幾米公園同幸福轉運站。

幸福轉運站有一間親子餐廳，除左有幾米商品賣，

仲有2個位置比小朋友放電。

入到餐廳左邊會有一個小小既位置，地下鋪左軟墊，

而上面放滿好多公仔，旁邊櫃入面都仲會有公仔可以拎出黎。

只要係餐廳cafe 買一杯飲品或食物，就可以免費玩。

而餐廳右手邊，就有一個超大型波波池，中間仲有一隻超大既充氣狗狗。

只要100台幣就可以玩足全日，只係港幣$25，真係超級抵玩。

每次只係一個家長陪同，所以當日我同小獅爸就輪流入去陪小獅妹玩。

雖然入面唔似香港playhouse 咁多野玩，

但係旅程中，放低bb，比佢地放下電，都不失為一個好地方。

加上我地當日不停落雨，所以小獅家就留係入面玩左半日啦。