BB已近8個月大，出世至今一直餵母乳及補奶粉，但因BB唔願埋身，所以只靠泵，母乳量急劇下跌，現在近乎冇，泵出來只有空氣，所以BB現在以固體食物同奶粉為主，而且BB相對同齡小朋友患病次數多，雖然每日有便便，但好臭，有何方法可以再次增加奶量，希望增強番BB抵抗力？另如何辦識BB吸收得好同令佢肯飲水？
2016年07月13日
母乳製造會因應BB既食量而改變。鼓勵媽咪繼續密D泵奶/埋身，而家每次先泵耐少少時間 (30分鐘以上)，等身體知道BB 有需要，就會製造返多母乳。想增加奶量，足夠既卡路里和水份攝取好重要。媽咪多D休息，放鬆心情，如果壓力大都會有影響架。一般八個月BB 可以食到兩餐固體，糊仔/粥仔裡面加入菜/肉，每日比BB食兩種水果，咁先做到均衡飲食架。建議多D同BB出街呼吸新鮮空氣，等佢活動多D。如果BB身高同體重都符合生長線，就代表佢吸收得好，發展正常啦!
×