 |
9個月BB如果痾爛屎, 反映佢腸胃有可能唔係太舒服, 可以留意下係咪吽緊牙仔, 成日放手仔或者其他野入口 。媽媽平時要注意多D幫BB洗手同清潔BB嘅用品, 減少病從口入嘅機會。如果發現BB便便次數持續增加, 或者質地水還水渣還渣, 就要帶佢睇醫生啦。
如果出現3-4日冇便便去，就要留意平時飲食纖維或水份夠唔夠， 食物方面盡量每日食兩款以上蔬菜/水果, 例如深綠色蔬菜、南瓜、香蕉、梨等。如果BB好抗拒飲水, 可以試下放2片水果係水入面, 有D香味吸引佢飲, 或者自己煲蘋果水、雪梨水、粟米水等, 仲可以煲D唔油膩嘅湯水俾BB飲, 增加佢水份攝取。媽媽同BB按摩肚仔都可以幫助腸道蠕動同排便架。
|
 |
