BB 個半月大，全人奶，早上埋身凌晨用奶樽餵母乳。Feed on demand (喊就餵）
近日發現bb一日加埋訓約4-6小時，要抱住先肯訓，食飽奶又眼仔碌碌係床仔唔願訓，
請問點解初生bb訓咁少？訓咁少會唔會有問題？會唔會有病先訓咁少？猛長期會再返來？應該如何處理？
2016年07月13日
一個半月大BB睡眠時間日間一般約5-7小時，而全日大概訓15-16 小時；你BB訓到4-6小時都唔差呀， BB愈大醒既時間會愈長。兩個月左右亦會開始建立訓覺模式，係學習自己入睡既好時機，而家BB 飲完奶之後未必會即刻訓，媽媽可以陪佢係床度玩下、傾計、唱歌，累左BB 會自行入睡。如果BB 唔訓而有扭計，先留意係因為BB 有唔舒服，定係受環境影響。 BB 肚仔如果漲漲實實，可能係有肚風，會影響訓覺，建議餵完奶幫BB 掃風掃耐少少同抱直BB 15-20分鐘先放低，有助減少肚風。 室內環境(如燈光、溫度)是否適合，一個昏暗，寧靜，温度適中的環境訓覺，BB 會訓得最舒服架。
×