你好，我有一個BB，剛剛個半月大，每天她進食人奶和補奶粉，因為我每次人奶很少，只有50ml，所以餵完人奶後就要補奶粉，BB才會食飽。
現在她隔2次才有一次大便，請問是否正常? 需要給她喝水嗎?
下星期開始，我放完產假，要上班了，但公司沒有合適的地方泵人奶，請問可以到廁所泵人奶嗎？
2016年07月14日
媽咪盡量唔好補奶粉。飲多點湯水，食足夠澱粉質同蛋白質，多點休息，會有助增加奶量。你亦可以埋身餵得密D，每次有足夠時間(至少30分鐘)，對上奶都有幫助。返工後飲水機會可能再少左，工作繁忙，奶量有機會減少，鼓勵媽咪趁現在改善呢個情況。

BB腸道仲發展緊，現在排便未必有一定規律，幾日一次都有可能架。只要便便軟身/糊狀，顏色呈黃/綠/啡色，媽媽就唔洗擔心。六個月內的BB都唔洗刻意喝水架，因為奶裡面既水份已經足夠。

泵人奶方面，媽咪可以先留意下公司附近有冇其他泵奶既地方，例如商場、母嬰健康院/家計會既育嬰室。如果真係無其他地方，而要在公司的洗手間泵奶，就要注意以下建議。首先在一個平面放一張墊，等你有一個清潔的地方放置泵奶既用具。媽咪清潔雙手後，就盡量唔好接觸洗手間內既其他物件。
×