BB夜晚唔肯瞓，係咁喊，要抱住先唔喊，一放低又即刻喊，可以點做？
2016年07月15日
如果係初生BB，媽咪可以用毛巾/被仔包實佢，BB覺得有安全感就會容易入睡。至於比較大既BB就要先睇睇日間係咪抱住先可以入睡。如果BB自小建立左抱住入睡既訓覺模式，一下子未必可以夜晚獨自入睡。建議日間BB食完野放返佢落床仔，比D玩具佢自己玩，播返D柔和既音樂，等佢玩到累左就自然會訓著。每次訓覺都播同一個音樂，當BB夜晚聽返呢隻音樂就會想訓。幫BB臨訓沖個涼再食最後一餐奶都有助佢入睡架。如果只係最近夜晚先有呢個情況，半夜醒左好扭計又安撫唔到，媽咪仲要留意埋BB係咪有其他唔舒服。
×