BB11個月大，有食麵包，成日痾便便痛到喊，有咩方法令佢好D
2016年07月26日
如果便便質地乾硬，有機會水份同纖維嘅吸收未係好足夠，另外運動都好重要。留意蔬果款式同份量， 每餐最好有深綠色葉嘅菜蔬同瓜類，而且每日要食兩款以上唔同嘅水果，其中可包括橙，香蕉，火龍果，木瓜， 夏天都可以俾BB 食時令水果如西瓜。 多D 同BB 去公園跑跑跳跳，仲要記得要補充足夠水份/ 果汁/ 湯水呀! 勤D 同BB 掌心順時針方向搓肚仔，刺激腸道蠕動，都會幫助排便。
×