BB 開始食爛飯，餸菜方面要點處理？肉類切細粒或仍然攪碎？
2016年09月13日
BB 開始食爛飯,即係BB 已經有基本嘅咀嚼能力,媽媽就唔需要將肉類攪到太碎, 只需根據BB 吞嚥同消化能力將食物切細。切肉時可以將菜刀同肉嘅紋理成直角咁切,盡量將肉嘅纖維切斷,再切成肉粒。BB 透過咀嚼食物可以鍛煉口腔肌肉力度、協調及咬合能力,對將來學習說話都有幫助架。
×