請問邊類質料既衣物適合有皮膚敏感或濕疹既BB著？
2016年10月19日
衣料係其中一種致敏源，媽媽要留意一下BB 會唔會特別對某種衣料產生敏感反應。BB最好穿著質地柔軟、不會過份貼身嘅純棉質料衣物; 透氣較差嘅物料例如羊毛、人造纖維衣物例如尼龍、合成物料聚酯纖維（polyester）都容易引發濕疹/皮膚敏感，建議盡量避免穿著這些物料，或於衣物入面着純棉衫打底減少皮膚接觸。新衣物要先徹底清洗先俾BB著。亦建議揀選無色/無香料嘅洗衣液,以免化學物質刺激到BB 敏感皮膚,清洗完再放係太陽下曬乾充分殺死塵蟎，都可以減低對BB皮膚嘅刺激。
×