Bb 17個月，由出世到而家都飲奶粉，飲1，2階段都飲得好好，但一轉3階段就會肚屙，屙d 水便，一歲之後試左4次都係咁，轉番2階段又冇事，已經係佢狀態ok 時先轉。咁仲應該再試嗎？定係要轉牌子？
2016年10月27日
比較常見牛奶蛋白質徵狀有濕疹，便便有血，肚屙同便秘。 如果只係肚屙， 未必可以就咁判斷係唔係有牛奶蛋白質過敏。肚屙有好多可能性，除左因為對牛奶有敏感，仲有腸胃炎，傷風感冒菌，食手仔/玩具等有細菌入左腸道都係小朋友好常見情況。 如果已經肚屙左有段時間，建議睇睇醫生，肚屙太耐會怕有脫水情況，順便睇睇有冇機會係對牛奶蛋白質過敏。 除非醫生建議暫時轉配方(例如高度水解配方)，腸胃唔舒服時建議盡量唔好轉奶，BB 完全康復媽咪先再考慮，以免加重BB 腸胃負擔，並且難觀察肚屙係因為咩原因。

×