BB未夠3個月，而家2個月，每次去完街返屋企都會驚，尤是夜晚要氹好耐先可以入睡，尤其是去完醫院/ 茶樓/健康院呢啲多人既地方，求教如何安撫，有冇方法改善？已有每做一個運作都同BB 講聲，出門前會同佢講去邊，搭LIFT會講佢知，行緊去邊都會同佢講，返屋企都會同佢講我地而家返屋企啦，入屋企會同佢講返到屋企啦，而家入屋啦等等等......
2017年02月27日
BB喜歡安靜的環境，而且對外界環境都好敏感，人過多、聲音過吵，都會令BB煩躁不安，回家後需要多D時間去安撫吓佢，拍/抱下佢之後都會漸漸入睡。平時媽媽可以重複喺同樣嘅就寢時間，播同樣嘅音樂/唱歌，當BB出完街後回家準備瞓覺，聽到呢首歌都能夠安頓到佢心情，培養睡意。媽媽留意下睡眠環境，寧靜、昏暗、溫度適中、空氣流通、飽肚都會瞓得好D架。
×