係超市賣既樽裝嬰兒食品話4個月大就可以食得，健康院話6個月後先好加固，應該信邊個？
2017年03月02日
健康院建議BB到6個月大可以開始試食固體食物，不過唔同國家會有唔同嘅建議，有D國家可能喺BB 4個月大就引入固體。個個BB 嘅發展都有唔同，因人而異架。如果想俾BB早過6個月時食固體食物，您可以留意到BB開始坐得穩，每餐之間快左嗌肚餓，見到大人食野會感興趣，甚至會將手/其他物件放入口，就可以俾BB試食固體。剛開始食固體食物，一般先試由糊仔/粥仔呢類口感幼滑嘅食物，先試食一，兩啖，因應BB 吞嚥同消化能力慢慢加份量同唔同食材，而每種新食物要試連續3日，先由少量開始，觀察BB 有冇敏感反應，仲有喺餐與餐之間俾BB飲水，養成飲水嘅習慣呀。
×