2歲BB服用軟便藥後疴水正常嗎?
2017年05月25日

軟便藥(大便軟化劑) 可以令大便濕潤，糞便軟化後更易排出體外，腹瀉係其中一個副作用，如果BB 服用軟便藥後疴水狀大便，媽媽要向醫生查詢番有冇需要調較藥物劑量。便秘一般係由於纖維和水份攝取唔足夠，盡量俾小朋友一日食兩款以上蔬果，例如牛油果、番石榴、啤梨、火龍果、西梅、南瓜、粟米等。燕麥含有豐富不溶性膳食纖維素，加奶作為早餐，或者製作燕麥飯都有助排便。平時多俾小朋友跑跑跳跳都有效促進BB腸胃蠕動架!

×