BB吸收成長路


	你好! 我個bb而家9個月大，自己訓一間房，一直都可以自己訓，每日定時放佢返床仔佢碌碌下或者自己玩下就會訓，但近日佢一直都扭我抱，一放佢係床就坐係到扶住欄杆叫媽媽，一定要我抱住佢訓著先得。試過我坐係床邊望住佢陪佢訓，同佢講媽媽唔走會係到陪你訓，但佢都係一定要抱。佢而家係唔係有分離焦慮?我有咩方法可以幫助到佢有安全感? 同埋佢訓教質素都差左，唔知係唔係緊爬既關係，佢訓訓下會提起個patpat，跟住就訓唔冧，發脾氣。有咩方法可以幫助到佢訓好d? 好想知呢個係咪必經階層，父母俾d耐性陪下佢，大左就會慢慢好d?等我呢個新手媽媽都可以有d心理準備。萬分感謝你!
	2017年06月01日

	明白媽媽見到BB瞓得唔好會心痛，先留意下BB有冇唔舒服，同時可以睇下係咪濕片﹑太熱/凍等。一般9個月大嘅BB全日需要14小時嘅睡眠，日間瞓2.5-3個鐘就ok，活動量大左嘅BB瞓覺可能會較反覆，佢地對聲音溫度光線比較敏感，同大人一樣瞓瞓下都會轉下姿勢、郁下、反身、甚至會醒左，有時晏覺瞓多左夜晚會無咁熟睡架。如果BB要媽媽抱住佢瞓，都可以試下俾BB一路攬住有媽媽氣味嘅毛巾瞓，等佢瞓覺時有份安全感。媽媽可以輕輕哼D歌仔/拍下背脊，等佢知道你係佢身邊之餘，又可以安撫吓佢，穩定番D情緒去瞓覺。分離焦慮症一般出現在一歳左右，最早8-10個月都有，現階段媽媽可以觀察住BB情況。媽媽要留意下BB 瞓覺環境要寧靜，昏暗同溫度適中，以免影響BB嘅睡眠質素。