其實幾大個可以食榴槤？

仔仔食完流鼻血，鼻血量唔算好多好快止血，麻麻話太燥熱唔好再比佢食。每次我地食時佢話好想食，應該比佢再試定完全禁食呢？
2017年06月02日
通常6個月左右嘅BB都可以慢慢試唔同嘅食物，建議媽媽最好先引入一D生果，例如蘋果﹑雪梨﹑香蕉、火龍果、提子、橙，每日各兩款以上，BB腸胃都好D架 ! 榴槤、牛油果和番石榴嘅纖維比較高，可以等BB腸胃消化能力更成熟時先俾佢試。毎次食嘅時候都要注意番份量呀 ! 如果流鼻血情況嚴重, 或者有其他唔舒服，就要考慮睇下醫生呀 !
×