呢幾日食幾啖唔食, 係都要抱落地, 有咩方法可以令佢乖乖地食完先玩? 玩具佢都唔得呀！
2017年06月06日
小朋友食固體食得唔好，真係會令媽媽好煩惱 ! 用有天然味道嘅食材例如南瓜、蕃茄，唔同嘅食材配搭都可以增加小朋友進食嘅興趣架 ! 媽媽要盡量把握小朋友進食頭15 分鐘時間，關上電視同攞走玩具，令小朋友專心進食，食超過45 分鐘就要收起食物，食太耐會令小朋友失去進食興趣，寧願下餐早少少餵呀! 有時太倦/眼瞓/太餓亦會唔想做新嘗試，媽媽等小朋友表示肚餓先餵，小朋友會知道自己需要，食幾多由小朋友決定就最好啦 ! 同小朋友坐同一高度俾佢清楚見你和食物，方便亙動，用誇張口型先示範俾小朋友睇點樣咀嚼/吞嚥動作，佢地最愛模仿大人，俾小朋友同大人一齊食午/晚餐，都可以引起小朋友食固體嘅興趣架。
×