bb好大汗，而家著尿片既邊位起左好多紅點，搽過花士苓都無用，爽身粉又話怕吸入個肺對身體唔好，咁搽熱痱水得唔得，重可以搽咩去醫d紅點。
2017年06月14日
當BB郁動時 patpat 同尿片時刻摩擦，太緊身尿片會破壞皮膚角質層保護膜，都有可能令皮膚出現紅點，所以尿片唔好太緊身，媽媽可以試下換大一個size 喇 ! BB皮膚幼嫩，長時間要包住尿片，喺濕潤環境下焗住D皮膚，亦都容易有紅點/尿布疹架 ! 媽媽留意每次換片時，避免用含有刺激成分嘅清潔紙巾，可以用濕咗清水嘅棉花清潔，然後印乾；又或者換完尿片後，俾BB有紅疹嘅部位係空氣中天然風乾10-15分鐘左右，等皮膚乾爽D。媽媽仲可以幫BB揸冇葯性成份嘅zinc cream保護皮膚，然後先至包返片，睇下情況有冇改善，如果紅點持續増加，就要睇醫生喇！
×