20個月仍然唔肯用杯飲奶，有無方法可以幫佢轉用杯。每次裝落杯就會喊到轉落奶樽為止，真係好頭痛..........
2017年06月19日
BB 一直用開奶樽，轉用杯需要少少時間適應，媽媽可以先加BB 鐘意飲嘅野落去杯吸引BB 飲先。BB唔願意用杯飲水可能係唔適應杯嘅設計，媽媽可以俾佢嘗試唔同款式，如不同形狀/ 硬度嘅杯嘴或用開口的小水杯，亦可以帶BB 一齊去揀一個佢鐘意嘅杯仔。BB 用杯時媽媽要係旁邊協助，幫手控制流量，避免出得太快太慢。佢地喜歡模仿大人，平時爸爸媽媽同BB 同檯食飯時，都可以用杯黎飲水，俾佢知道用杯飲水係好自然嘅事，慢慢就會學識架喇!
×