奶奶摸到 BB 頸位即耳仔對落有兩粒郁得既野話係痰火核，叫我停唔好再帶佢睇西醫，要搵中醫清熱底，好想知個兩粒係乜野黎！
2017年06月20日
頸部下嘅粒粒有機會係淋巴結/淋巴結核，淋巴結主要功能是阻攔和吞噬病菌，係免疫系統嘅一部分，BB 嘅淋巴結較容易觸摸，大小約1到1.5公分左右。有時感冒、牙痛、 扁桃腺發炎等亦有機會令淋巴結腫大，係正常嘅發炎反應，但一般唔會超過兩公分，多數會慢慢自己消失。如果淋巴結好大粒，持續唔散，有其他唔舒服徵狀，就建議同BB 睇睇醫生。
×